Mentoringa

Barneko mentoring prozesu formalak ezartzeko laguntza ematen dut, erakundeetan mentoring taldeak sortzen lagunduz.

Zer da mentoringa? Nik ICE CORAOPS metodologiarekin lan egiten dut, eta metodologia horren definizioaren arabera, mentoring exekutiboa «exekutiboen arteko lan-harremana da, non aldez aurreko akordio bat zehaztuta dagoen, eta lan- eta/edo antolakuntza-ingurune batean egiten den. Mentoreak, aditu gisa, esparru jakin bat garatzen laguntzen dio mentorizatuari. Horretarako, bere ezaguera, esperientzia pertsonala eta profesionala, gaitasunak eta jarrerak erabiltzen ditu». CORAOPS mentoreak gaitasun jakin batzuk ditu, eta CORAOPS® metodologia erabiltzen du».

Mentoring prozesu batek erakundeetan izan ditzakeen aplikazio edo helburuak ugariak dira, hona hemen horietako batzuk:

Erakundearen kultura eta balioak transmititzea eta indartzea.
Langileak lanpostu berrietan errazago eta azkarrago integratzea.
Ikasketa-prozesua eta/edo garapen profesional edo pertsonalaren prozesua azkartzea.
Pertsonen know-how gaitasuna eta talentua atxikitzea.
Txandakatze- eta ondorengotza-prozesuak erraztea eta hobetzea.

Mentoringaren onurek eragin zuzena dute erakundean, mentorearengan eta mentorizatuarengan (mentee).

Testigaintzak

Tresnek eta metodologiek ez dute ezertarako balio, ez badie norbaitek zentzua ematen. Behin eta berriz ekitea, ulermena eta grina behar dira pertsona bati bere bidea aurkitzen laguntzeko, eta hori da zuk ematen duzuna, Gorka. Zure ulermenari eta grinari esker, tresnez baliatu, eta nire helburuetara zuzendutako bidea osatu ahal izan dut

Mikel Motos, Saskibaloi-jokalaria

2017ko denboraldiaren erdian Gorkarekin lan egiten hasteko zortea izan nuen. Bildu ginen lehen egunetik, bide zuzenean bideratu du lana, eta benetan sinesten dut bere lan-metodologian; izan ere, arlo profesionalean eta pertsonalean hazi naizela sentitzen dut. Gorkarekin hasi baino lehen, etapa lehiakorra bizi nuen; batzuetan, oso negatiboa zen, eta, Gorkarekin egindako lanari esker, konturatu naiz lehiaketaz gozatuz eta egoera bakoitzetik ikasiz ere zorrotza, langilea eta profesionala izan naitekeela!
Denboraldi honen ostean, benetan uste dut burua kontrolatzea entrenamendu fisikoa bezain garrantzitsua dela, eta oso pozik nago prozesu hau Gorkarekin bizitzen ari naizelako

Andy Criere , QS surflaria. Emotional Surfer

Gorkarekin lan egiteak asko lagundu dit lehiaketetan nire esku dauden faktoreak hobeto bideratzen. 2017ko denboraldiaren erdian hasi ginen batera lan egiten, hilabete txarrak izan bainituen. Eta, ariketak eginez eta helburuak bideratuz, lehiatzeko era nabarmen hobetzea lortu genuen. Urte hartan irabazi nuen, lehenengo aldiz, Europako zirkuitua. Coachingak neure burua hobeto ezagutzen lagundu dit. Plazera da Gorkarekin lan egitea

Adrián Otaegui , Golf-jokalari profesionala

Hona etortzeaz oso harro nago; nire bizitzako erabaki onenetarikoa izan da. Oso pozik nago, eta plazera izan da prozesu hau Gorkarekin bizi izana, pertsona eta coach zoragarria baita.

Pablo Hervías, futbolaria

Coachingean izan dudan lehen esperientzia izan da, eta, egia esanda, esperientzia oso ona izan da. Nire emozioak eta ingurua kudeatzen ikasi dut, eta, horri esker, arlo profesionalean aurrera egin dut. Batez ere, egoerak beste ikuspegi batetik aztertzeko balio izan dit; eta, horri esker, nire ezaugarriak hobetu ditut. Gainera, ohartu naiz tresna horiek guztiak, lanean erabiltzeaz gain, bizitzan sortzen diren egoeretan ere erabil daitezkeela. Aurkikuntza handia izan da

Julen Etxabeguren, Futbolaria

Nire karrera profesionalak bi une kritiko izan ditu, eta coach baten laguntza profesionala behar izan nuen, nahi nuen aldaketa-prozesuari heltzen laguntzeko. Gorka Acebal aukeratu nuen, zorroztasuna, gaitasun enpatikoa eta galdera egokiak egiteko gaitasuna duelako. Erantzunen bidez jaso dudan emaitza ikusgarria izan da